مواقف نساء محرجة بس تضحك ههههه

[ندعوك للتسجيل في المنتدى أو التعريف بنفسك لمعاينة هذه الصورة]

اليوم جيبتلكم بعض
المواقف الضريفة الي ممكن تحصل مع اي واحدة منا ,فل تاخدين العبرة هههه

- تقول الاخت
زياراتها للمطاعم مع اهلها كانت قليله
المهم
اول [ندعوك للتسجيل في المنتدى أو التعريف بنفسك لمعاينة هذا الرابط]زواجها
دخلت مع زوجها المطعم قال زوجها للجرسون جيبلي منيو.. وسألها وش تبين؟
قالت مثلك ابغى منيو.. زوجها تسدح من الضحك وهي تقول احسبها وجبه او طبق
معين

والا ذا الموقف وحده تقول وانا حامل ونزلت
ادور فستان علشان شبكة اختي دخلنا المحل الا وذاك العامل المهوي ويساله
زوجي فيه ملابس حمل ؟
العامل\حق نساء ؟
زوجي \لا حقي انا وانت
وانا الله لايوريكم حسيت اني
بأولد من كثر الضحك

-هذي تقول رايحه مستوصف مع زوجي فيني زكام
واحتقان بحلقي ودكتور الانف والحنجره اسمه محمد اباظه ويوم وقفنا عند
الاستقبال قالوا مين تبغون اي دكتور قال زوجي نبغى الدكتور رشدي اباظه
وتعرفون رشدي اباظه اسم ممثل مصري قديم وتعالوا امسكوني والله بغيت اموت من
الضحك وزوجي مصر ان اسمه رشدي اباظه وابغى اقوله تراك غلطان والله ماقدرت
من الضحك وانا فيني مشكله اذا حاولت اكتم الضحكه تزيد المهم ضحك اللي في
الاستقبال وقاله قصدك الدكتور محمد اباظه

-في بنت تعودت هي واخواتها اذا مر احد جنب الثاني مد رجله ليسقط
في الارض فلماتزوجت وفي الاسبوع الاول من الزواج
وحين نهض الزوج المسكين
اللي ماهو داري عن شي من الغدا
عشان يغسل اليد وكالعادة مدت البنت
رجلها فسقط الزوج المسكين
على الارض وكسرت ذراعه واما البنت اللي ماهي
حاسبة الحساب
من شدة الخجل راحت لاهلها (عادة سيئة والنتيجة اسوأ)

-في وحده شعرها دايم
يحتاجله سشوار مهو بناعم المهم السشوار اخترب مادري وش صار فيه عاد هي
ذكاءها قادها لفكره جهنميه وش سوت
راحت
على طاولت الكوي وانسدحت وهاتك يا كوي بهالشعر
وبرضه زوجها سوالها صادوه يوم
دخل واختنا في الله تكوي منسجمه
الرجال
انهبل على باله تزوج وحده ماهي صاحيه

-وحده
تقول انا متزوجه ولد عمي
و
أول ما تزوجنا رحنا بريطانيا منها شهر عسل ومنها هو عنده دوره
المهم تقول مره دخلنا المطعم
واخذت المنيو وقعدت اناظر الكلام كله انجليزي وانا ما اعرف ولا حرف
بالانجليزي
تقول هو اختار
والجرسون واقف عند راسي يحتريني اختار قالي زوجي تبين اساعدك بالاختيار
قلت ليش طايحه من عينك انا
اعرف اختار المهم تقول اخترت طلب محطوط في اطار وحركات
قلت اكيد هذا شي حلو وقلت ابي
هذا قال زوجي متاكده قلت ايه اصلا من زمان اطلبه لما كنت اطلع مع أهلي
تقول قالها طيب ابشري وهو يضحك
ويوم جابوا الطلب هو مكرونه وحركات-وجبة أطفال !!

-يقولون
فيه وحده تستحي من زوجها بالمرة تضايق الزوج وكلم خواته يكلمونها وكلم أم
زوجته كذلك المهم أزعجوها امزحي مع زوجك أمزحي والعـبي واضحكي معه قالت ما
أقدر المهم طولوا عليها بالكلام
وفي
مرة من المرات وهي مع زوجها سبقها زوجها بينزل مع الدرج قالت فرصه امزح
معه شوي علشانه مايشوفني المهم دفته مع الدرج الا وهو في آخر الدرج متشقلب
وقاعد يون ويصيح من الألم قالها وش فيك كذا جلست البنية تصيح وتقول كله من
أهلك يقولون امزحي معه وهذي آخرتها

وحده تقول في يوم حبيت افاجئ زوجي شريت الاضاءه الي ترشينها
على جدران الغرفه كلها وتعطي جو خيال انتظرت زوجي لين ينام وبعد مده بسيطه
نام ,مسكت الانوار ووزعها على كل جدران
الغرفه كلها
صارت الغرفه كنها فضاء..وصرت انادي عليه بصوت رومنسي وهادي
وانا
مبسوطه وفجاءه الرجال نقز من السرير ويصرخ استغفر الله استغفر الله وانا
مدري وش السالفه
المهم وصل عند باب الغرفه وسجد وانا مادري وش السالفه
رحت له وقلت له فلان
وش فيك قال القيامه القيامه...
طلع الرجال صحته
الحرمه وشاف الفضاء على باله انا جدران بيته طاحت والنجوم والكواكب بدت
تطيح عليه
بس من جد مو قف كل ما ذكرته قلت له القيامه هاه ههههههههه

-وحده اول [ندعوك للتسجيل في المنتدى أو التعريف بنفسك لمعاينة هذا الرابط]زواجها تقول كنا طالعين واحتجت الحمام
مرررررررررره بس مستحيه اقوله وهو شكله ماعنده نيه يروح لمكان فيه حمامات
المهم تقول عجزت اتحمل وجلست افكر باسلوب حلو ما يخرب برستيجي عنده قلت
خلاص بقوله ابغى دورة المياه احسن من كلمة الحمام
تقول وانا ميته من الفشله قلت
ابغى اروح لدورة الحمام مادريت الا الرجال يضحك ويقول يا عيني على الاتيكيت

-
وحدة تقول اول ما تزوجت طحت عند باب المطبخ وانهبل زوجي وبسم الله عليك
سلامتك حياتي وبعد مرور سنة طاحت بنفس المكان قالها
عمى ما تشوفين

وعاد انتم قولوا
لنا وش اللي مر عليكم من هالمواقف
لا تحرمونا
من الردود والتقييم [ندعوك للتسجيل في المنتدى أو التعريف بنفسك لمعاينة هذا الرابط]
[size=21]تحياتي [ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههههههههههههههههههههههههههههههههههههههه
يسلموووووووووووووو كثيييييييييييييييييييييير ع الموضوع
تقبلي مروري
ودي قبل ردي

ههههههتــااي ... يسلموو حبي ع المووضووع ..
دمتي في حفظ اللهـ ..

» نكت ههههه مغرية السعر هههههههه
» مواقف تربوية من السنة النبوية: كن في الدنيا كأنك غريب